സൗകര്യങ്ങളും സേവനങ്ങളുമില്ല , പേരിനുമാത്രം ഒരു കുടുംബക്ഷേമ ഉപകേന്ദ്രം

 വെങ്കിടങ്ങ് : തൊയക്കാവ് കുണ്ടഴിയൂരിലെ കുടുംബക്ഷേമ ഉപകേന്ദ്രം നോക്കുകുത്തിയാകുന്നു . ജീവിതശൈലീരോഗ നിർണയത്തിനോ . ഒരു മുറിവുകെട്ടുന്നതിനോ പോലും ഉപകേന്ദ്രം നാട്ടുകാർക്ക് പ്രയോജനപ്പെടുന്നില്ല . രോഗികൾ മൂന്ന് കിലോമീറ്റർ സഞ്ചരിച്ചു പാടൂർ കുടുംബാരോഗ്യ കേന്ദ്രത്തിൽ എത്തിയാൽ മാത്രമേ ചികിത്സ കിട്ടുകയുള്ളൂ . കെട്ടിടത്തിൽ വേണ്ടത്ര സൗകര്യങ്ങൾ ഉണ്ടായിട്ടുപോലും സേവനങ്ങൾ ലഭിക്കുന്നില്ലെന്നാണ് നാട്ടുകാരുടെ പരാതി .