നാലാഞ്ചിറ - ഉദിയന്നൂർ ടെമ്പിൾ റോഡ് തകർന്നു

നാലാഞ്ചിറ: ഏകദേശം 4 മാസം മുൻപേ പണിതീർത്ത ഒരു റോഡിന്റെ ഇന്നത്തെ അവസ്ഥയാണിത് .. ഒന്നൊന്നരവർഷം മൊത്തമായി പൊളിഞ്ഞു കിടന്ന ഈ റോഡ് ഇപ്പോൾ ടാർ ചെയ്തതിന് ശേഷവും പിന്നെയും പഴയ അവസ്ഥയിലേക്ക് തന്നെയാണ് പോകുന്നത്. വെള്ളക്കെട്ട് ഉള്ള റോഡിലെ ഈ  കുഴി പണികഴിഞ്ഞ് വെറും രണ്ടു മാസത്തിനകം ഉണ്ടായത് ആണ് എന്നതാണ് ഏറ്റവും ദൗർഭാഗ്യകരമായ കാര്യം. പല സ്ഥലത്തും  ടാർ ഇളകി തുടങ്ങുകയും ചെയ്തിരിക്കുന്നു . ഈ പോക്ക് ആണേൽ മിക്കവാറും റോഡിനും നാട്ടുകാർക്കും പഴയ ഗതി തന്നെയാകും . റോഡ് പണി ചെയ്യുന്ന കോൺട്രാക്ടർ പണി കഴിഞ്ഞ് മിനിമം 6 മാസകാലത്തേക്കെങ്കിലും  പണിത റോഡിന്റെ കേടുപാടുകൾ തീർക്കണം എന്നൊരു വ്യവസ്ഥ വന്നാൽ ഒരുപക്ഷേ പല റോഡുകളും പൊളിയാതെ കുറച്ച് നാൾ എങ്കിലും ജനങ്ങൾക്ക് ഉപകാരപ്രദമാകും .